修咸頓“愛”得過
修咸頓近期戰績唔算差，除足總盃外近五場聯賽一勝四和保持不敗，以一支小球會而言可以接受，奈何英超非常現實，領隊艾堅斯難逃“下課”命運，新任教練前阿根廷國腳樸治天奴將負起球隊護級使命。今晚第一場對住前列球隊愛華頓，要打響頭炮的確唔易，但以球員爛打及拼勁風格，搶一分唔難。
陣前換帥
排第五位的愛華頓有機會爭取下季歐冠盃參賽資格，為“錢”途當然要爭取每一場勝仗，近三次作客修咸頓只係兩和一負未有勝績，全取三分有一定困難。初盤愛華頓硬讓半球，博修咸頓有着數。
和波合理
上仗作客對住車仔，修咸頓踢出打不死精神，落後兩球依然拼到底，最終搶得寶貴一分，士氣大振；目前與降班線球隊有三分之差，要留喺英超仍需努力戰鬥，今晚有主場之利必搏無疑。愛華頓今季表現令人讚賞，一直排於前列位置，爭上前四係最大目標，不過，今季和波比較多，廿二場聯賽和足十場，屬穩陣派，兩隊踢法大同小異，都以體力化見稱，和波應該最合理。
推介：和波2:2
