皇馬贏波贏盤

皇馬贏波贏盤

皇馬聯賽爭標無望，保住第三同樣唔滿意，必定全力爭做“老二”向球迷交代，今晚主場對住實力一般的華歷簡奴，再唔“生性”搶足三分實在冇面見人，贏少兩球都唔收貨。人腳唔算精，但在西甲各路雄獅中踢到上前六，華歷簡奴確有意外驚喜，更有機會向下季歐洲賽進發，不過講到實力，與皇馬仍有差距，作客實難發圍。初盤皇家馬德里硬讓兩球，捧皇馬“波盤”全收。

皇馬近三戰勝和負各一，表現未如理想，上仗歐冠未能在主場擊敗曼聯較為可惜，整體發揮並非太差，全場廿八次射門，完全發揮出極具侵略性攻勢，一個入球係美中不足。睇球員鬥心與拼勁，內部問題似乎影響不算太大，只要繼續踢出水準，贏波冇問題。華歷簡奴近十次對皇馬輸足九場，其中一場勝仗在十年前的西班牙盃，與皇馬對抗等於螳臂擋車，首循環主場兩球失利，今晚作客更凶多吉少，十一場作客共失廿五球，防線實在難擋皇馬強攻。

推介：皇家馬德里勝四比〇