巴塞作客有保留
講到歐冠對戰，AC米蘭與巴塞羅那都算老對手，連續三季碰頭，計往績，AC較為輸蝕，只係兩和兩負，對住呢支西甲班霸，AC優勢唔多；希望今晚借助主場威力，可以發揮出更佳水準，力求突破。
巴塞上場聯賽收起部分主力，並未忽視今晚一戰，始終AC屬歐洲傳統頂級勁旅，絕對不能低估，首回合踢作客亦不需急於求勝，保住不敗未必壞事。初盤巴塞羅那硬讓一球，作客要贏AC兩球邊有講咁易，不妨敲受讓的AC米蘭。
AC近六戰主場取得全勝，聖西路出擊氣勢搭夠，唯一擔心前線火力稍為不足，巴洛迪利為曼城踢過歐冠，只能做座上客，羅賓奴有傷，只有柏仙尼、艾沙羅爾及克傑可用；中後場勝在夠穩健，中場硬漢沙拉蒙復出，可加強攔截力，AC控球能力唔差，如果打“地面戰”絕不輸蝕畀巴塞。巴塞今晚有“X先生”沙維復出，與最佳拍檔恩尼斯達聯手，加埋狀態弗到爆的美斯，威脅力十足，惜近五戰作客只係兩勝兩和一負，冇必勝保證。
推介：和波1:1
