畢爾包態差信唔過
西甲今晚獨腳戲有畢爾包對皇家蘇斯達，兩隊實力屬同一班次，計往績畢爾包較為佔優，近四次對賽取得三勝一負，今晚佔有主場之利，讓波合理；但講到近況，畢爾包認真靠唔住，近八場聯賽只得一勝，跌至下游位置，需搶分保級，球員壓力唔少，對住同級波的蘇斯達毫無勝算。
蘇斯達目前排第六，有望爭取下季歐洲盃資格，且近期發揮有板有眼，連續六場不敗，強如巴塞羅那亦成為腳下亡魂，爭分目標鮮明，今仗作客至少搶一分冇問題。初盤畢爾包讓半球，捧受讓的蘇斯達有着數。
畢爾包近八戰一勝兩和五負，其中四場主場輸足三場，自己地頭亦惡唔出樣，最大問題攻力有限，防線更弱到不得了，聯賽共失四十七球，除包尾的拉科魯尼亞外，係失球第二多，何來贏波本錢。
蘇斯達攻守較為均衡，前線有韋拿與基斯文，入球能力比畢爾包有把握，首循環主場輕取對手兩球，全技術性擊倒，有望再勝一仗。
推介：皇家蘇斯達勝2：1
