車路士主場讓得起
歐霸盃十六強首回合車路士一球不敵羅馬尼亞球會布加勒斯特星隊，今晚返到主場踢次回合，只要淨勝對手兩球，就可以昂然入八強。車仔平均人腳無疑在對手之上，加上自己地頭出戰，爭勝決心更強，只要繼續踢出足總盃對曼聯一戰水準，車仔晉級在望。
首回合星隊贏波確實靠主場之利，但優勢唔多，全場只得兩次中目標攻門，進攻能力有限，今仗作客唔使問，“九○一戰術”希望死守到底，但久守必失，車仔連曼聯後防都可以攻入兩球，要攻破星隊防線冇難度。初盤車路士讓一球／球半，推介車仔輕鬆摘“星”。
車仔落後兩球亦能迫和曼聯，一班“車手”簡直拼勁十足，兩個精彩入球，證明前線射術有把握，唯一問題係賽事頻密影響球員體能，不過，以車仔後備力仍足以殺敵。星隊陣中由泰拿斯與捷斯奧兩名羅馬尼亞國腳領軍，其次只有波蘭的蘇卡拉及巴西的達杜兩名外援，整體實力有數計，首回合贏波只因車仔留力，今晚實在難逃“車禍”。
推介：車路士勝3:0
