葡盃和味濃

葡盃和味濃

今晚只有場葡萄牙盃四強較有睇頭，由比蘭倫斯對甘馬雷斯，兩隊級別雖然唔同，但兩回合淘汰制，最緊要講鬥心，特別主場一方發揮如何；況且兩隊真正實力相差唔遠，勝負實在難料。

比蘭倫斯屬甲組隊，不過絕對唔可以睇小，葡甲踢三十二場已一枝獨秀，領先第二位廿二分，如無意外可在甲組封王，下季重返葡超。主場威力更加得人驚，今季所有賽事未輸過一場，聯賽十六戰十五勝一和，攻入廿八球只失六球，在甲組簡直超班，陣中一對法國孖寶迪斯馬歷斯與M迪亞華拉具有一定質素。首席射手卡埃羅狀態依然“弗”到爆，組成攻擊鐵三角，必對甘馬雷斯防線構成威脅，葡萄牙盃一路過關斬將，氣勢順風順水，有力越級挑戰。

甘馬雷斯暫時在葡超排第八，實力比上不足比下有餘，但在盃賽確有極佳表現，上圈憑住韌力，加時淘汰三甲之一的布拉加，直指決賽目標進發。雙方勢均力敵，勝負難測，初盤甘馬雷斯讓平手／半球，必揀受讓的比蘭倫斯。

推介：和波1:1