卡山魯賓頂得住

卡山魯賓頂得住

今晚有歐霸盃八強首回合，英超三雄分途出擊，奪標大熱車路士主場恭候俄超勁旅卡山魯賓，車仔剛打完場超級好波，足總盃踢走曼聯勇闖四強，“肥賓”當然希望保持強勢，足總盃與歐霸盃雙管齊下，做雙料冠軍。論整體實力無疑在對手之上，只擔心球員體力，六日三戰唔多唔少有影響。

卡山魯賓屬一支雜牌軍，球員來自阿根廷、委內瑞拉、西班牙及以色列等，外援質素唔差，當中不乏國腳級，具一定戰力，車仔要贏過一球或以上未必輕易。初盤車路士讓一球，可考慮卡山魯賓死守博和。

車仔擊敗曼聯的確發揮相當出色，尤其球員爭勝決心非常積極，攻門次數與中目標射門都佔較大優勢，係近期表現最出色一仗，贏波絕對合理。不過，除球員付出體力外，後防兩大主力G卡希爾與A高爾同告受傷，今晚一戰必大打折扣。卡山魯賓陣中球員名不經傳，但貴為俄超前列勁旅之一，實力絕對不能睇小，車仔要炒起對手更難。

推介：和波1:1