馬拉加作客必失

馬拉加作客必失

今晚有兩場歐冠八強次回合，皇馬有三球在手作客加拉塔沙雷，如果被對手大逆轉而出局，睇怕“老摩”都要自動消失球壇，所以呢場波無可奉告。另一場多蒙特火倂馬拉加要決生死，首回合多蒙特有唔少入波機會，惜頻頻失機，今仗返到主場，只要發揮正常，相信會佔到一定優勢，睇好九十分鐘內可以KO對手入四強。

馬拉加同樣有入球良機，只係把握比較差，未能取得領先優勢注定留有後患，以球隊作客表現，實在難保不失。初盤多蒙特讓一球/球半，推介多蒙特贏波贏盤。

多蒙特上仗對馬拉加反客為主，明顯取得唔少攻勢，惜葛斯與利雲度斯基至少錯失四次破門黃金機會。另外，多名主力因傷缺陣，戰力無疑大打折扣，今仗除奧禾莫耶拿一名傷兵外，其他主力可以悉數上陣，強陣迎戰，料可輕取對手。馬拉加輸勢原因，係球員平均年齡偏高，體能輸蝕，多蒙特壓迫踢法令球隊處於下風。值得一提，馬拉加今季所有作客比賽例有失球，受讓冇着數。

推介：多蒙特勝2:0