熱刺殘陣信唔過

熱刺殘陣信唔過

熱刺在歐霸盃八強首回合被一致睇好的情況下，未能取得領先優勢反被對手攻入兩個作客入球，確令“刺迷”失望，今晚天殘地缺作客瑞士再戰巴素利，要入四強確暗湧重重。因為從首回合所見，巴素利唔簡單，整體踢法與控球力都極有章法，進攻意慾相當強，今晚一戰值得睇好。初盤開出平手，想食餐“刺”就要捧巴利素。

睇返首回合數據，巴素利稍為佔優，射門次數比熱刺更多，若非費度表現出色，熱刺可能輸波，球員方面，瑞超神射手“一哥”舒卓拿、中場的法比安菲爾、埃及國腳沙拉及科特迪瓦外援沙利皆屬好波之人，平均質素唔差；更值一提，巴素利於今季瑞超聯賽，歐冠外圍賽及歐霸盃所有主場比賽只輸過一場，自己地頭出擊信心加倍。

熱刺近期發揮下滑，近六場比賽一勝兩和三負，球員狀態一般，只係個別球員較為突出，特別當紅的G巴利，可惜今仗因傷缺陣，仲有“快馬”連儂及守將加拿斯齊齊休戰，進攻與防守受到很大影響，為求勝“焗攻”的熱刺實在進退兩難，唔使讓波都要唔過。

推介：巴素利勝2:1