格爾芬 ：紅軍重新上路 謝四有回布

足總盃喜遇乙組仔
偶像全部也不倒！如果你係利物浦同叮噹嘅Fans，2015年第1日，絕對係極度難過嘅一日。不過，「The Show Must Go On」，「紅軍」今晚喺英格蘭足總盃第3圈作客英乙球隊AFC溫布頓，正式踏入「後謝拉特年代」第一步。重新上路，利記今戰志在必得，即使讓兩球，都要撐利物浦、撐謝拉特，捧2.42倍「讓客」！

（now621、633及660周二凌晨3:55直播）

相信好多利物浦球迷都唔會想像得到，「神奇隊長」謝拉特會離開佢最心愛嘅球隊，唔可以成為加歷查之後、球會史上第9個「一世紅軍人」。雖然呢個消息嚟得突然、令人惋惜，但係「謝四」提前宣布離隊，未嘗唔係一件好事，除咗利記眾將可以專心應付比賽，亦令到羅渣士有更多機會試下冇謝拉特嘅新陣式。雖然今季餘下落嚟會不時坐冷板，但謝拉特今場應該會獲派正選，向外界展示自己同「紅軍」已經收拾好心情，迎接下半季嘅挑戰。

史達寧休息巴神擔正
羅帥今戰極有可能會收起部分主將，尤其係近排擔任正箭頭、成個聖誕檔期都冇抖過嘅小將史達寧，好有機會齋坐喺後備席打氣，畀番個正選位巴洛迪利，提升狀態同信心。後防方面，上場停賽嘅史卡迪爾坐完波監，今戰應可披甲，另一中堅洛夫雲亦已傷愈，取代高路托尼扼守中路，務求以表現證明自己唔係「水貨」。

溫布頓主場冇威力
「紅軍」今仗對手AFC溫布頓領隊艾特利，早前話今晚場波會嗌班球員去到盡，但無奈呢班波近3次喺英乙主場出擊，只係錄得1勝2負，實力同利記差幾班，爆冷難過登天。況且利物浦下任隊長佐敦軒達臣話到明，為咗幫謝拉特喺5月30號生日捧起足總盃，赴湯蹈火都在所不辭，擺明當AFC溫布頓冇到。「紅軍」今晚無論係球員定球迷，戰意都爆晒燈，一於撐謝拉特，輕取對手晉級啦！

Data King：利物浦旺開大
?「紅軍」近3戰角球都係開細。

?AFC溫布頓近8戰得1次半負。

?利物浦近5戰有4次開入球大。

盤路解碼
「紅軍」近10戰得兩場開角球大。