走肖：納比睇死祖記 倒戈撐國米

唔妥阿里基個個跳船
意甲歇冬後重開即有好戲上演，祖雲達斯喺主場對國際米蘭，唔似開到W。事關祖記近排戰績下滑，教練阿里基失晒民心，就連曾經帶領斑馬兵團橫掃球壇嘅功勳教頭納比，都睇死佢哋會輸波，掉轉槍頭撐國米教練文仙尼，咁梗係要信納比揀2.9倍「讓球客勝」！

（TVB301台及中央5台周三凌晨4:00直播）

泰維斯拒續約 保羅普巴放風想走
納比教過祖記同國米，加上佢嘅江湖地位，應該有唔少線眼。最近佢接受傳媒訪問，竟然話睇好國米喺呢場大戰贏波，大家知啦，佢老人家帶祖記嘅成績勁好多，感情上肯定比較傾向撐斑馬兵團，突然咁講一定有理由，當中阿里基嘅領軍能力差，睇怕係引起納比不滿嘅主要原因。

事實上，現時祖記喺聯賽只係領先羅馬3分，畀人追到氣咳，而且喺聖誕前以互射12碼不敵拿玻里，衰到連意超盃都輸埋。可能知佢唔掂，近排祖記掀起跳船潮，除咗泰維斯講明冇興趣續約，連保羅普巴都放風想走人，一句講晒，今年嘅祖記唔係前幾年嘅祖記，再唔可以喺意甲打橫行喇。

文仙尼夠面子 氣勢士氣唔輸蝕
國米就唔同喇，文仙尼回歸後暫時戰績的確唔算標青，但最低限度佢夠面子，除咗納比畀料撐佢，迪亞高米列圖都話文仙尼好清楚點對付祖記，睇好國米贏波。何況文仙尼氹掂咗普多斯基加盟，靴蘭尼斯同莊拿芬施些路又康復可以候命，氣勢同士氣都唔輸蝕，一於趁祖記唔掂踩多腳！

盤路解碼
祖記近5場「讓球主客和」4次輸盤。

Data King：文仙尼回歸國米易入波
?祖雲達斯連續5場上半場不失。

?祖記經過連盃賽6連勝後，近5場得1勝4和。

?文仙尼回歸後國米7場正式比賽取得2勝3和2負，得1場冇波入。

乜都玩錦囊：祖記慢熱捧半場細
祖記氣勢回落，主要因為教練阿里基嘅戰術，唔能夠維持高入球數字，而且成隊波表現慢熱，上半場經常冇波入，搞到近8場有6場開半場入球細。假如大家覺得納比把口撐國米，只係曲線捧祖記，唔想玩「讓客」，就要1.45倍半場細啦！