兵工廠“愛”作戰

兵工廠“愛”作戰

西甲與英超可以話係目前世界上最頂級聯賽，咁到底西甲比較勁？抑或英超最受歡迎？當然，呢方面各有己見；不過，西班牙球員喺英超就有一定地位，不少更是呼風喚雨，例如D施華在曼城係必然核心，馬達在“車仔”同樣舉足輕重，仲有兵工廠嘅辛迪亞高與阿迪達，都屬於球隊中重要一員，所以講到兩地球星比較，英格蘭球員較為失色。

講番正題，今晚有場英超獨腳戲，阿仙奴對愛華頓，兵工廠上場擊敗諾域治後升上前三位，球隊士氣亦大大提升，但要保住“前四”位置，絕對不能鬆懈，因為“車仔”、熱刺，甚至今場對手愛華頓仍爭持得相當緊湊，阿仙奴近期發揮的確勢如破竹，近十場聯賽豪取廿五分，球員爭勝決心與戰意表現得十分積極；雖然對手愛華頓亦非善男信女，但阿仙奴主場值得信賴，十勝三和三負，更係英超中攻擊力最強，攻入對手四十二球，今仗必有斬獲。

要保住爭“前四”機會，愛華頓今仗不容有失，但今季作客只有四場勝績，缺乏贏波信心，初盤阿仙奴讓半球，捧阿仙奴再下一城。

推介：阿仙奴二比一