曼熱和波格
今晚英超早場有好戲碼，熱刺大戰曼城，熱刺同車仔及阿仙奴爭“阿四”爭到頭崩額裂，只要過埋呢關，餘下賽事好打好多，因為對手較弱，所以今晚一戰對熱刺相當重要，肯定要搏命。坐亞望冠的曼城要追曼聯的確得個“望”字，但會力爭到底，至少要保住個次席，事關車仔都追得好貼，今仗絕不妥協。初盤曼城讓平手／半球，預料兩隊難分高下，受讓必選熱刺。
自G巴利受傷後，熱刺連續三場不勝，攻力大受影響，幸好今仗可以強陣出擊，G巴利、連儂及加拿斯三大主力齊齊傷癒復出，加上腳風超順的丹普西與頭號“反賊”艾迪拜約，鬥攻真係未驚過曼城。曼城近期狀態極佳，四連勝分別擊敗曼聯與車仔兩支勁敵，士氣相當不俗，對住熱刺又有一定優勢，近四次對賽贏足四場，心理佔優。不過，今季作客時好時壞，十六戰只得八勝五和三負，勝率得一半，中場核心D施華有傷，直接影響進攻能力，勢均力敵形勢下和波合理。
推介：和波2：2
