拜巴大戰和味濃
如冇估錯，今晚大部分波迷都會捱眼瞓，因為拜仁對巴塞呢場歐冠大戰一觸即發，擦槍走火在所難免。
無論聯賽及歐冠盃，拜仁今季表現完全令人信服，八強淘汰意甲“大佬”祖雲達斯，兩回合發揮兩個字形容：“超勁”，持續凌厲走勢，今晚作客嘅巴塞都咪話唔驚。
巴塞對今場大戰非常緊張，近兩場聯賽不但輪換主力上陣，更將頭號皇牌美斯收起，養精蓄銳誓與拜仁一決生死，鹿死誰手實在難料，初盤拜仁慕尼黑讓平手/半球，受讓的巴塞羅那可以值博。
穩奪德甲冠軍，德國盃又殺入決賽，拜仁目標直指三冠王，目前氣勢一時無兩，八連勝之餘，近三戰半力出擊仍大炒對手共十六球，前線火力癲到爆。為求首回合主場取得領先優勢，必會全力炮轟巴塞，先發制人，務求令對方攻守失控。
巴塞經過作客AC米蘭與聖日門兩場艱苦之戰後，今仗對住更強的拜仁，應該會有所防範，特別在中後場加強攔截力，始終踢作客可以先保不失；當然，打對攻戰巴塞亦絕不輸蝕，兩大高手過招，入球數字好大機會高開。
推介：和波2：2
