樂比堅尼：格蘭納達查爾頓咪走寶

易帥打護級戰有料到
今日係情人節，加上年近歲晚，相信唔少朋友都好忙，喺呢個時候樂比真係建議大家縮減注碼，又或者分散投資，起碼有乜差池，都唔會影響慶祝佳節嘅心情。今日3場推介分別係CF格蘭納達、查爾頓同埋海牙。

先講西甲，CF格蘭納達主場對畢爾包（開賽時間︰周日凌晨3:00）。畢爾包今季成績下滑，聯賽僅排13，相信下半季都會將焦點放喺盃賽度，事關畢爾包喺西班牙盃已經殺入4強，另外亦要兼顧歐霸盃，今場聯賽咁啱喺兩場盃賽中間，有理由相信佢哋會分散注意力。

NAC財困等降班撐海牙
包尾嘅CF格蘭納達要為護級前途而戰，球會於上月尾解僱卡柏路斯，聘請前主帥利仙奴執教。佢領軍首仗主場賽事，就以1:0擊敗艾爾切，睇得出隊波表現有一定改善，今場平手盤值得一試，保守啲可以揀受讓嘅1.48倍「讓球主勝」。

英冠方面，深受降班威脅嘅查爾頓，早前亦聘請盧桑救亡，盧桑喺歐洲薄有名氣，曾帶領以色列U21喺2013年U21歐國盃擊敗英格蘭，又執教過標準列治。佢接手4場後仲未開齋，但表現有明顯改善，今場倫敦打吡戰對賓福特，難得對手唔齊章，正選左閘碧維爾停賽，中堅達高斯基亦有傷，主隊1.68倍「讓球主勝」可捧。

（開賽時間：周六晚11:00）

最後一場推介荷甲海牙，客軍NAC財困情況未有改善，冬季轉會期間更讓京士利保定、派列卡等主力離隊，實力進一步下降，球員無心戀戰，職球員似乎已有降班準備，搞到歇冬後未嘗一勝，5仗僅入1球，海牙讓半一值得捧場。

（開賽時間：周日凌晨3:45）

樂比推介
CF格蘭納達（平手、讓球主勝）

查爾頓（讓球主勝）

海牙（上盤）