Yennie :A山 藍斯打埋柴 傷兵廠咪當堡

now621、633 周一凌晨0:00直播
今晚足總盃第5圈，阿仙奴喺酋長球場恭候米杜士堡，牌面就梗係「兵工廠」秤先啦，但呢支倫敦球隊人腳唔齊，撞正連曼城都砌得低嘅「巨人殺手」米堡有暗湧。米堡剛啱殺上英冠榜首，領隊卡蘭卡仲攞埋1月最佳領隊，旺成咁根本唔使赦你阿仙奴，2.9倍「讓球客勝」捧得過。

阿仙奴今季飽受傷病問題煎熬，阿歷士張伯倫、阿迪達同迪保治等主將繼續養傷，最新就有艾朗藍斯同阿歷斯山齊士打埋柴，咁多十字軍，難怪領隊雲格賽前放聲氣會變陣出擊啦！傷愈嘅韋舒亞今晚可以候命，不過佢狀態係點真係冇人知，「教授」仲話新加盟嘅巴西守將基比爾包列斯達好有機會擔正，呢位「新基昂」加盟冇耐，同隊友夠唔夠默契亦係一大疑問。

韋舒亞傷愈孭飛 「新基昂」默契成疑
卡蘭卡曾經喺皇馬同奧斯爾共事過，呢位米堡主帥賽前就講笑咁話，希望「大眼仔」可以休戰，放米堡一條生路，咁輕鬆似乎有計再做「巨人殺手」喎！佢哋上一圈作客淨勝曼城兩粒，表現絕對唔似一支英冠球隊，兼且米堡剛啱砌低黑池彈上英冠榜首，肯定士氣如虹啦！

「巨人殺手」米堡6連勝
況且佢哋陣中主力家陣冇病冇痛，以「肥仔嘜」李爾湯連、禾臣同安歷基傑基為首嘅攻擊鐵三角夠銳利，今鋪夠晒本錢炮製冷門賽果。以呢班波近6仗贏晒嘅強勢，真係有得同「兵工廠」鍊，「讓客」絕對玩得過，慢吓手贏埋都唔出奇。

Data King：廠仔7仗半場不失
?雙方近6次交手，阿仙奴僅獲1勝。

?米杜士堡近10仗有8場開半場0:0波膽。

?阿仙奴近7仗保持半場不失球。

乜都玩錦囊：米堡半場旺0:0捧「半和」
米堡近況勇銳，戰績咁好皆因防守一流，最近10場未試過半場落後，當中有8仗開出「窿窿」波膽，阿仙奴冇阿歷斯山齊士衝鋒陷陣肯定惡踢，2.37倍半場和係唔錯嘅選擇。

盤路解碼
米堡今季作客「+1」戰績6勝1負