張志德：主場夠惡專劏勁旅 巴素利反咬波圖

今晚另一場歐聯16強首回合係由瑞士球隊巴素利主場對葡萄牙名牌波圖，巴素利今仗雖陣客不整，但球隊主場威力十足，面對四連勝但所挫對手實力唔強嘅波圖，有力喺主場保不敗身甚至贏埋，細鬼推介巴素利讓球主勝及下盤兼投。

（有線64及203台周四凌晨3時45分直播）

巴素利喺歐聯分組賽雖然只能以次名出線，但能緊隨皇家馬德里之後，同組力壓利物浦，巴素利實力始終有番咁上下；加上佢哋主場威力強勁，近年強如利物浦、車路士、曼聯及拜仁慕尼黑皆曾喺呢度喪師，「銀河艦隊」皇馬到訪亦只能小勝1比0，足見巴素利主場出擊實在踢高幾班。

巴素利今仗雖有中堅法比安舒哈停賽、中場伊雲洛夫因傷缺陣，而新加盟嘅後衞阿達馬查奧爾因傷上陣成疑，但球隊仍有後衞菲臘迪根、前鋒馬高史達拿及中場杜倫沙加在陣，主場出擊仍有力擊退對手。

下盤讓主兼投 博收兩瓣
波圖早前雖取得四連勝佳績，但所面對的對手只係甘馬雷斯、摩里倫斯、費利拿及科英布拉大學，全部都「好打有限」，當中有三場更加係主場賽事。查實波圖早前作客曾打和布拉加，以及不敵馬里迪莫，證明球隊客場表現唔係好穩陣，今仗就算所有主力都可以上陣，但要作客到實力比一般葡超球隊高幾班嘅巴素利，細鬼認為波圖未必可以咁輕易贏到波，今仗仲要讓波之下，細鬼梗係揀巴素利讓球主勝同下盤，隨時可以收晒兩瓣添！