Yennie：紅魔赤口食天鵝冇交嗌

法卡奧做老竇 朗尼Fit番晒
恭喜發財！身體健康！過年同親朋好友一齊睇波，實在係人生一大樂事，今日赤口英超有「紅魔」曼聯作客「天鵝」史雲斯，曼聯隊長朗尼啱啱喺足總盃打破入球荒信心返晒嚟，另一射手法卡奧尋日更宣布老婆誕下「羊B」沖喜，話唔定新年會有運行。曼聯條星級鋒線火力強勁，對住近況麻麻嘅史雲斯，就算讓平半都未驚過，開個1.72倍上盤人人Happy就連赤口都冇交嗌啦！

曼聯今季傷兵問題嚴重，「天使」迪馬利亞前幾日訓練時盆骨突然劇痛，好可能係聖誕節嘅傷患復發，搞到今戰唔可以披甲，另一主力尹佩斯早前受傷加入十字軍，上場足總盃作客普雷斯頓已經唔踢得，好在朗尼上場入波攞番唔少信心，貴價前鋒法卡奧尋日仲宣布老婆生咗個囡囡沖喜，係時候踢爭氣波喇！

曼聯得分點多 史雲斯近況曳
家陣嘅「紅魔」勝在得分點多，好似「爆炸頭」費蘭尼、基斯史摩寧、安達靴里拉、占士威爾遜同桑馬達等都輪住有貨交，睇番佢哋近7場比賽包括足總盃同聯賽都保持不敗，當中4場比賽都有3個「士哥」，有5場贏對手兩粒或以上，所以今晚作客史雲斯，就算讓平半都無有怕！

至於主隊「天鵝」史雲斯近況認真曳，近8場比賽只贏得兩場咁大把。自從賣走咗王牌韋菲特邦尼之後，佢哋表現更加唔掂全無攻擊力可言，今晚對住曼聯就算有主場之利，受讓平半都無着數，一於捧1.72倍上盤！

（史雲斯 Vs 曼聯 now621台 周六晚11:00直播）

盤路解碼
史雲斯近9場英超開出8次「角球細」。

Data King：曼聯客戰連開7口半和
?史雲斯近7場英超只贏1場。

?曼聯今季18場作客開出13次「半場細」。

?曼聯作客連開7口「半場和」。