Combo King ：精英隊有前冇後大盤唔怕追

今日阿King揀咗三場直播波，大家可以邊睇邊投注，夠晒刺激。過關重心放喺荷甲直播阿積士主場鬥精英隊。精英隊近期狀態唔錯，對上四場聯賽都能先開紀錄，不過阿積士嘅攻力當然亦無庸置疑，一旦開咗紀錄，入球相信會陸續而至，賽前先買一注1.55倍大盤，臨場再追隨時收多幾注。

（now 671周日晚9時30分直播）

精英隊近期盡顯大無畏本色，對上四場聯賽面對實力比自己強嘅球隊包括川迪、飛燕諾等，但冇話驚咗對手一樣照搶攻，結果四場比賽都先開紀錄，可惜顧得進攻時唔理防守，結果四場入面有兩場被對手追和或反勝。

阿積士上周作客3比1擊敗燕豪芬，保住些微爭標機會，佢哋下周將於歐霸盃16強首回合鬥迪尼普，不過睇番佢哋上次32強首回合前於聯賽主場大勝川迪，證明唔使擔心留力問題，今場中位數維持2.5球大盤穩陣。

飛燕諾賓菲加同吼-1
另外兩場賽事，荷甲飛燕諾主場鬥NAC，飛燕諾喺歐洲賽出局專心應付本土賽事，NAC對上四次作客飛燕諾都輸波，捧讓球主勝。（now 670周日晚9時30分直播）最後葡超榜首賓菲加作客鬥阿洛卡，賓菲加聯賽三連勝兼入十二球，狀態着晒火，而且佢哋今季兩鬥阿洛卡均大炒對手四比○，讓球客勝可穩陣。

（有線155台周一凌晨零時直播）