笛子波童 ：蒙彼利埃里昂鬥入波

巴里奧斯拿卡錫迪老嫩鬥弗
法甲尾場直播蒙彼利埃主場鬥里昂，一老一嫩射手巴里奧斯及拿卡錫迪今季齊齊大爆發，而且兩軍近年交手經常上演入球騷，2.15倍大盤乃今仗不二之選。

（TVB 302周一凌晨4時直播）

蒙彼利埃踏入2015年後七場聯賽贏五場，多得近期頻頻有入波嘅巴拉圭射手巴里奧斯。這名今季由莫斯科斯巴達以借用身份來投嘅前鋒季初因為受傷關係，演出一直未如理想，不過歇冬後成功大爆發，對上七場聯賽個人入五球，其中作客梅斯一役更大演帽子戲法，腳風順到不得了。今場負責替里昂同巴里奧斯大鬥射術嘅係依家喺射手榜領先嘅拿卡錫迪。拿卡錫迪今季聯賽已入二十一球，早前喺佢受傷期間，里昂連續三場聯賽贏唔到，依家佢已傷愈復出，而且經過兩場比賽後，狀態已恢復得七七八八，有望重拾射門鞋。

今季首循環碰頭，里昂曾於主場大勝五比一，上季蒙彼利埃主場一役，雙方亦合共交出六個入球，有當紮射手及往績支持，大家唔使擔心冇波入喇！