SAMVO肥叔：低調安玻里飛勁要吼

英超係全球最歡迎嘅聯賽，齋睇其最新一份高達51.36億（約606億港元）天價嘅三季電視轉播費合約，放諸其他歐洲聯賽，真係甩開十幾廿條街。當然賣得咁貴，有賴英超賽會多年來嘅精心包裝，以及各隊不斷引入新水平球員同領隊提升質素，而且資訊多透明度又高，亦令投注者相當放心。話分兩頭，英超好睇但未必好賭，至於昔日有「迷你世界盃」之稱嘅意甲，受困經濟壓力不得不變賣球星，號召力大不如前，反而有好多筍嘢未被發掘。

今日肥叔重心推介賽事，係意甲安玻里主場對熱拿亞，安玻里雖然只排第13，名氣唔高一直被忽視，但呢班波擅打整體戰，今季曾逼和米蘭雙雄、羅馬、費倫天拿、拿玻里等本土豪門，絕對唔嘢小，今仗更少有地要讓波，初盤讓平半兼低水，部分莊家仲要讓到半球，完全唔將三連捷嘅熱拿亞放在眼內，睇個勢有主場之利嘅安玻里應該贏得。

（TVB 302周日晚10時直播）

皇蘇蓄銳主場殺敵
至於由莫耶斯領軍嘅西甲地頭蟲皇家蘇斯達，今晚喺聯賽主場迎戰愛斯賓奴，後者上周中於西盃4強遭畢爾包踢出局，可謂力疲心傷，幾日後再鬥另一支巴斯克地區球隊，邊有咁快回到氣呀？皇蘇上周中冇比賽抖到夠，初盤讓平半亦屬合理，不妨入定啲上盤。