歐霸決戰捧“賓”仔

恭喜，恭喜，有“車仔”神燈之稱的林柏特在球會寫下光輝一頁，個人射入二百○三球，如果能夠再為球隊捧埋歐霸盃，咁就完美到極。不過，“林伯”能否正選上陣仍係未知數。

今晚場決戰在荷蘭阿姆斯特丹上演，車路士火併賓菲加。車仔終於完成首個任務，奪得下季歐冠資格，肥賓當然希望攞埋歐霸盃，光榮謝幕。但呢一仗絕非易打，能夠殺入決賽，賓菲加絕非善男信女，激戰在所難免。初盤車路士只讓平手／半球，“大圍”對車仔捧盃成數唔算太高，受讓的賓菲加可以考慮。

車仔勢頭的確相當唔錯，近六戰五勝一和，賽事頻密並未影響球員戰意，而且整體發揮表現相當平穩，特別是馬達、大衛雷斯、拉美尼斯及林伯等依然交出水準。問題在於替補力方面，傷兵有泰利、米基、貝查特等，D巴亞亦不合資格上陣，如再有球員損傷，將成關鍵。

唔好睇小賓菲加一班南美兵，個人技術及腳法都有一定質素，一對前鋒殺手O卡度素與洛迪高利馬非等閒之輩，攻力絕不低於車仔。

推介：和波1:1