當“牛仔”遇“橙仔”

當“牛仔”遇“橙仔”

西班牙與荷蘭兩支“小”霸王威勢十足，在歐洲U21國家盃分組賽兩連勝，已經準備殺入四強廝殺。不過，就要避重就輕，相信兩隊亦唔想硬撼意大利，有得揀，當然希望“軟撼”挪威，今晚兩支國家隊未來棟樑將會正面交戰，爭頭位，走條靚線。

“小紅牛”上仗完場前激殺德國，無論射門次數、控球率及各方面明顯佔優，贏波屬正路。一班後起之秀質素比較平均，門將迪基亞、馬天尼斯、泰亞高、伊斯高、泰路及洛迪高等踢法成熟，遲早可以獨當一面。球隊踢法與大國腳一脈相承，着重整體，以組織性配合為主，但今仗遇上機動性較強的荷蘭小將，“小紅牛”應受到唔少壓迫。能否發揮出應有水準，就要睇呢班“仔波”定力。

荷蘭小將同樣踢出傳統風格，全能足球確實機動性十足，兩場波攻入對手八球，恐怖之處係由六個球員建功，一對攻擊手盧克迪莊與賀爾臣絕對係“小紅牛”防線心腹大患。只要和波，“橙仔”以得失球差壓到對手首名出線，心理上較為佔優。西班牙讓平手／半球，一於“買橙”。

推介：和波1:1