葡軍“克”敵C朗破入球荒

葡軍“克”敵C朗破入球荒

C朗拿度用入球結束今個球季，在葡萄牙與克羅地亞的友賽，C朗射入全場唯一入球，助葡萄牙小勝一比○，結束在國家隊接近二百八十日的入球荒。

剛打完世界盃外圍賽的葡萄牙與克羅地亞選擇在瑞士拍跳，雙方排出強陣。葡萄牙由隊長C朗拿度領軍，C朗的皇馬隊友、克羅地亞的摩特歷亦有上陣。剛在外圍賽擊敗俄羅斯重拾士氣的葡萄牙在卅五分鐘由C朗射入唯一入球，用國家隊的第卅九球結束超過九個月的入球荒。C朗在完半場前頭鎚中楣，錯失梅開二度的機會。

兩隊在下半場陸續換上後備試陣，雙方再無紀錄，維持上半場一比○的結果，葡萄牙以兩連勝結束球季。克羅地亞今場亦有亮點，十六歲的夏利奴域後備上陣，成為該國史上最年輕國腳，並差點在完場前三分鐘為克羅地亞扳平，表現可圈可點。