非洲鷹玩到最“大”

非洲鷹玩到最“大”

大溪地被認定為今屆洲際盃中實力最弱一隊，甚至乎叫做唔夠班，難怪“三色台”直播開幕禮時有位仁兄講：“大溪地入到一球波當攞冠軍。”呢位仁兄講得真中肯，不過，香港排名好似低過大溪地，踢到咁大型賽事先講啦！

大溪地今場對手係“非洲鷹”尼日利亞，要爆冷贏波根本係不可能的任務，因為當地足球水準仍在業餘階段。其實輸幾多球唔緊要，預咗會慘敗收場，最重要抱住“學嘢”心態，踢出鬥志及拼勁，發揮出應有比賽精神，已經得到球迷認同。

非洲冠軍尼日利亞未算以最強人腳參戰，只由效力車路士的米基領軍，大家較為熟識的摩西斯、奧比及耶古保等都不在名單之中。但岩布斯、安拿斯、梅沙、艾迪爾及阿克柏拉等大部分球員都在歐洲聯賽搵食，計整體實力、體能及個人技術，無疑在大溪地之上。由於同組有西班牙與烏拉圭，隨時出現同分計得失球局面，今仗必會爭取更多入球，頭炮必定打響，只係贏多少問題。初盤尼日利亞讓兩球半／三球，照捧“非洲鷹”玩轉大溪地。

推介：尼日利亞6：0