洲際盃四強前瞻

洲際盃四強前瞻

唔經唔覺洲際盃四強經已產生，一如所料，巴意西烏四路雄獅順利出線，四強廝殺將會上演南美內戰及歐洲盃決賽翻版，如果終極之戰由巴西與西班牙對決，今屆洲際盃確實正路到不得了。

巴西與烏拉圭在周四凌晨先打頭陣，在南美洲森巴兵團一向領導群雄，實力無疑比烏軍較為平均，加上佔有地頭之利，巴西入決賽相信大部分波友都睇好。不過，又係呢句“波係圓嘅”，足球比賽好多變數，未打完，未分勝負，始終都未知鹿死誰手。烏軍陣中球星唔少，絕非等閒之輩，只要踢出無比鬥心，隨時爆出驚喜。問我會推介邊隊？咁就要睇吓巴西讓幾多，聽日繼續睇“Ben錢專家”囉。

另一場歐洲之戰，西班牙再次遇上意大利，記得舊年歐洲盃決賽嗎？紅牛黨打到藍軍舉手投降，一場決賽四球大勝，西班牙已經去到無敵境界。睇返分組賽表現，西班牙依然係“宇宙最強”；相反，意大利三場波共失八球，防線已經夠晒得人驚。呢場波可以預告，西班牙贏波冇問題，只係贏多贏少