巴西除“烏”有困難

巴西除“烏”有困難

洲際盃入戲肉，四強大戰先由巴西與烏拉圭埋牙。巴西在分組賽以全勝姿態出線，頭兩場分別擊敗日本與墨西哥，以本身實力加上主場優勢，贏波絕對合理；只不過最後一場對住稍有留力的意大利，森巴兵團明顯受到一定考驗。今屆能否繼續順風順水殺入決賽，除要睇尼馬領銜嘅攻擊線會否再度發揮威力外，防線又可否頂得住“烏軍”突襲。

烏拉圭上仗談笑用兵，收起多名主力情況下，依然大炒魚腩大溪地，基本上呢場波唔可以作為參考，但首戰對西班牙，足以證明“烏軍”係有一定作戰能力，只要知恥近乎勇踢出加一波，森巴兵團未必可以贏得輕鬆。初盤巴西硬讓球半，推介下盤烏拉圭有數圍。

睇返巴西過去三場比賽，前線表現的確極有殺傷力，但尼馬發揮好與壞，對整條攻擊線都有較大影響，如果今戰被對手針對性壓迫打法，巴西火力將會受到削弱。始終兩隊交手無數，知己知彼，烏拉圭南美式硬朗踢法，巴西領教過唔少。此外，對手有卡雲尼與“哨牙蘇”，巴西防線更不可不防。

推介：和波2:2