美軍“薩”得起

美軍“薩”得起

美洲金盃奪標頂頭大熱的美國明晨繼續強勢出擊，八強迎戰實力次一班的薩爾瓦多，如無意外應可再進一級，成為四強一分子。

在分組賽以第三名出線，薩爾瓦多算係功德圓滿，今仗對住八強中最惡的東道主美國，只望盡最大努力抗衡到底，將失球數字減到最低，至少輸得光榮引退。初盤美國讓球半／兩球，睇返三場分組賽，美軍果然火力十足，攻入對手十一球，以薩爾瓦多普通料防線，美國至少執兩球冇走雞。

由德國名將奇連士文帶隊的美國戰績認真彪炳，各項比賽豪取八連勝，其中七個主場出擊，更煞食係共攻入廿四球，“文哥”確實令美國前線攻擊力大大提升。老將當路雲依然係進攻核心，拍住同樣有出色表現賀丹，中場攻守兼備相當完整；至於已射入五球的雲度路斯基將會繼續爭取“士哥”，誓以金靴奬為目標。薩爾瓦多防線有排煩。

上場險勝海地，係薩爾瓦多近十二場比賽中第二場勝仗，對上一場亦只係在中美洲盃一球小勝弱隊伯利茲，薩爾瓦多真正實力有幾多已經有數得計，除非美國今仗大走樣，否則薩爾瓦多難逃一敗。

推介：美國3：0