皇馬破“門”不易

皇馬破“門”不易

今日歐洲方面又有場重量級友賽，法甲“暴發戶”巴黎聖日門約戰“銀河艦隊”皇家馬德里。兩隊星光熠熠兼實力半斤八両，兩大領隊更加面子攸關，雖友賽性質，相信仍激戰難免，佔有主場之利的聖日門爭勝決心較強，有望斬“馬”成功。

安帥擺明為錢出“門”投奔西甲，今晚拖“馬”重回舊地，當然要證明自己領軍能力。執安帥二攤的白蘭斯更加唔衰得，兩位大師級教頭碰頭已經成為焦點。

聖日門今季繼續招兵買馬，已經豪花超過一點一億歐元，收購烏拉圭頂級射手卡雲尼、法甲新星迪治尼及巴西十九歲天才球員馬昆奴斯，加上伊巴謙莫域、拿維斯、泰亞高施華及阿歷斯等，絕對有實力挑戰歐洲列強。雖然目前人腳未齊，但白蘭斯必會精銳盡出，排出強陣迎戰勁敵。

皇馬早已開操兼踢過兩場熱身賽，一衆球星亦相繼上陣，C朗、迪馬利亞、基迪拿及希古恩更取得“士哥”，其中由B隊提升的摩拉達與卡斯米路表現相當突出，相信安帥仍會繼續重用兩名新丁。不過，重量級較量，經驗較為重要，跑慣江湖的一班聖日門球員比較有料。

推介：巴黎聖日門2:1