拜仁讓多太“慕”險

拜仁讓多太“慕”險

呢兩日最熱話題，都離不開“公天”今季開始冇“免費波”睇，唔少波友都議論紛紛，當然係不滿有線太過霸道。有網友問小弟有何睇法？冇波睇又點算？其實霸唔霸道呢方面小弟唔多評論，因為每家公司都要保障自己權益，每件事都有規有矩。至於冇波睇點算？好簡單啫！申請有線囉。

講返今日場推介，德甲今晚正式開鑼，揭幕戰由拜仁慕尼黑打頭陣，對住中游分子慕遜加柏，以拜仁超強人腳，加上主場之利，如無意外應可旗開得勝。不過，彩票公司認真重手，初盤開出拜仁硬讓兩球半，贏三球先有純利，確有一定風險，而且實在太過睇低對手慕遜加柏。知恥近乎勇兼作客關係，慕遜加柏必會以防守為主，一於頑強抵抗到底，輸，都要輸得有尊嚴，推介慕遜加柏輸波贏盤。

論實力，拜仁的確高於對手唔少，而且之前在電信盃決賽亦大炒五個一皮，所以慕遜加柏要在安聯球場發圍確實相當困難。不過，慕遜加柏既可在電信盃淘汰多蒙特，多蒙特又在超級盃打敗拜仁，所以話足球比賽有時話唔埋。就算慕遜加柏輸波成數比較高，但亦未必輸到三球。

推介：拜仁慕尼黑2：0