多蒙特大炒“格”

多蒙特大炒“格”

英超近期有兩單轉會新聞特別令傳媒關注，一個係曼聯扭計之王朗尼，以為得到“寸王”睇中，又再玩囂張，搞到新“魔頭”莫耶斯扯晒火，可能將“肥仔”冰封放入雪櫃，到底轉唔轉到“車”都未知。

另一位就係專咬人唔放的“牙擦蘇”，為要做“槍手”搞到與球會反目成仇，未到農曆七月十四已經被球迷“燒衣”，蘇兄假如有日在街上被人打，千祈唔好問點解。

今日繼續講德甲，奧格斯堡對多蒙特。奧格斯堡上季排尾四，總算僥倖留低踢甲組，球隊今季加入甚有名氣的H艾天托、奧地利的賀斯侯沙及希臘的華卓迪莫斯兩位U21國腳，實力稍為增強，但以整體人腳配合，相信仍需要為護級而努力。今仗對住專打擊弱勢社群的“黃蜂突擊隊”，睇怕奧格斯堡首戰落筆打三更。

多蒙特近年表現有目共睹，不但成為拜仁頭號勁敵，更躋身歐洲列強。雖然今季有葛斯離隊，但球隊實力影響不大，補入米希達恩與歐巴美楊格，中前場依然份量十足。德國超級盃大手斬殺拜仁，多蒙特攻力有保證。初盤多蒙特讓一球／球半冇問題，最少贏兩球奪堡。

推介：多蒙特4:1