兵工廠難劫“富”

今個球季“超級標王”快將誕生，傳聞熱刺天王G巴利最終上“馬”成功，可能以九千九百萬歐元打破C朗九千六百萬的轉會費紀錄，成為世界第一，更可能在西甲第三輪對畢爾包披上皇馬戰衣作“首秀”，各位“馬迷”不妨拭目以待。

今日推介英超早場兼倫敦打吡：富咸激鬥阿仙奴。富咸新一季大易主，班主法耶茲將全部股份轉讓給身家多兩倍的另一富豪簡尼，球隊引入資金後，收購多名份量級球員，包括柏加、戴倫賓特、泰拉拔及荷蘭門將史迪基蘭保等名氣球員，實力無疑大大提升，首戰作客亦能旗開得勝，更可加強球隊士氣，今仗佔有主場之利，完全未驚過呢支濕水大“炮”。

主場爆冷輸畀維拉，幾日後作客卻又打殘費倫巴治，阿仙奴班波真係飄忽到得人驚，唔通手指拗出唔拗入？抑或踢法上已經畀“自己友”睇通睇透？無論如何，剛搏完場歐冠盃回歸，陣中又有唔少傷兵，發揮又欠穩定，對阿仙奴贏波的確信心不足，初盤讓平手/半球，當然揀富咸。

推介：富咸2:1