小紅牛作客謀“利”

今晚有歐洲U21國家盃分組賽進行，其中上屆冠軍西班牙展開衛冕之路，分組賽第一場作客奧地利，亦係同組中實力較強一隊。“小紅牛”人材輩出，整體戰力依然出衆，如無意外應可打開勝利之門。

奧地利近年青訓搞得有聲有色，陣中亦有多名小將在歐洲各大聯賽搵食，但今仗對住實力雄厚的西班牙，相比之下仍有一定差距。即使佔主場之利，相信亦難逃一敗。初盤西班牙硬讓一球，推介“小紅牛”贏波兼贏盤。

奧地利首戰旗開得勝，作客一球小勝同組最弱的阿爾巴尼亞，以球隊平均人腳都算贏得少。因為陣中確有唔少具級數球員，包括最具名氣效力史特加的中場賀斯侯沙，亦有凱沙羅頓的史杜加、雲達不萊梅的史迪賓加、曾效力國際米蘭的史賓度賀化，及跟過車路士的普辛歷等。不過點秤亦難以抗衡西班牙。

西班牙豪華陣容其實毋須多講，計今年捧盃班底，球員身價超過二億歐元。雖然今次人腳稍變，包括泰亞高及伊斯高等免戰，但西班牙依然人才鼎盛，對奧地利夠殺有餘。推介：西班牙2:0