馬體會受讓值博

馬體會受讓值博

西甲今周重頭戲必選馬德里打吡大戰，皇馬激鬥馬體會。計往績真係冇得比，皇馬近十次對馬體會贏足九場，似乎有食硬感覺。只不過，最近一次碰頭係今年五月的西班牙盃決賽，馬體會最終在加時絕殺皇馬捧盃，即係話絕對冇“食硬”呢樣嘢。何況以馬體會目前氣勢強勁，話之你有幾多億身價前鋒，根本未驚過，即管放“馬”過嚟。初盤皇家馬德里讓半球／一球，捧馬體會可力保不敗。

皇馬上仗在球證“幫拖”下險勝升班馬艾爾切，受到唔少非議，球員實質表現的確唔多掂，難怪“安帥”賽後亦表示，如此狀態，在打吡戰實在好難贏波。事實上皇馬近兩三場發揮起落都幾大，可能比賽太密關係，今戰係十日內第四場比賽，體能上唔多唔少受到影響。

馬體會開季六戰全勝與巴塞暫列榜首，並攻入十八球只失五球，攻守相當平均，前鋒哥斯達已有七球進賬，與美斯並列射手榜一哥。中場耀眼新星高基亦與費比加斯睇齊，成為各隊中助攻王。另一統計，馬體會攔截成功率高達八成四，防守能力極強，有力抵擋皇馬強攻。推介：和波1:1