喀麥隆有“突”破

喀麥隆有“突”破

早幾日接到一位老友來電，話小城一年一度盛事之一的大賽車即將舉行，叫小弟不妨寫吓花絮，尤其是月中進行的小型大賽車。小弟在此只可以向呢位老友致歉，因為小弟讀得書少，除對用腳踢的圓型物體有興趣外（用手玩都唔啱），其他真係知識有限，所以唯有講聲“Sorry！”，無可奉“寫”。

今日介紹場世界盃非洲區附加賽，突尼斯對喀麥隆，邊隊可以殺到去巴西，就要睇主客兩回合定生死。突尼斯今仗雖然佔有主場之利，但講到球員平均質素和名氣，甚至大賽經驗，明顯不及對手喀麥隆，陣中除效力瑞士球會錫永的達拉治，及德甲漢諾威的查希特稍有份量外，其他球員級數有限，加上近期戰績一般，只在友誼賽擊敗剛果，其餘五場正式比賽只得三和兩負，今戰對住非洲強隊之一的喀麥隆，和波算有交代。

非洲雄獅喀麥隆由多名耳熟能詳的球星領軍，桑治、伊高圖、尼高路及謝迪祖，仲有最強武器伊圖歸隊，令球隊增加爭勝本錢，至於其他球員亦在歐洲聯賽搵食，戰力絕對在突尼斯之上。初盤突尼斯仲要讓平手／半球，揀硬喀麥隆可以“突”圍。

推介：喀麥隆2：0