馬體會“格”殺勿論

馬體會“格”殺勿論

今日繼續西甲系列，暫列聯賽榜“老二”嘅馬德里體育會將要作客格蘭納達，誓必全取三分力追“一哥”巴塞羅那。以球隊今季標青狀態，絕對可以信賴。初盤馬體會讓一球，鋒力無比的“床單軍”要贏兩球唔難，一於捧馬體會理想必“達”。

格蘭納達目前只排中下游位置，戰鬥力屬有限公司，尤其前線攻擊力，十場聯賽只得六個入球，只靠一個摩洛哥射手艾阿拉比較有威脅，爭勝本錢實在不足。球隊踢法只着重防守，但今仗面對火力強勁的馬體會，防線肯定受到唔小壓迫，能否頂得住都成問題。另外，話就話有主場之利，但五戰只得一勝四負，仲差過踢作客，受讓都諗唔過。

馬體會今季不但在聯賽表現出色，歐冠盃亦戰無不勝，殺入十六強已問題不大，可以集中精力在聯賽發圍。暫時少踢一場少巴塞四分，不但爭標充滿希望，已升格為神級射手的迪亞高哥斯達更有望爭神射手，老將大衛維拉入球能力依然十足，仲有當勇當“弗”的高基、加比及十八歲新星托里斯，攻守平均，要殺敗格蘭納達應該綽綽有餘。推介：馬德里體育會2:0