哥倫比亞受讓及“時”

哥倫比亞受讓及“時”

有歐洲紅魔鬼之稱嘅比利時沉寂多時，不過，今年終於大爆發，在世界盃外圍賽令人刮目相看，分組賽以八勝兩和不敗之身殺入明年巴西決賽周。陣中一班球星亦風生水起，大部分效力歐洲頂級球會，證明球員具有一定質素與水準。為備戰明年決賽周，比利時今晚搵咗哥倫比亞拍跳，先熟習南美波風格。

哥倫比亞在南美洲外圍賽同樣表現出色，僅次於阿根廷以次名成為決賽周一分子，且大部分主力都在歐洲球會搵食，實力非等閒之輩，與當勇嘅比利時相比，半斤八両，況且又屬於友賽性質，和波機會相當高。初盤比利時讓半球，只因有主場之利，但要擊退對手卻非易事。推介受讓嘅哥倫比亞獲“利”。

比利時的確湧現唔少當起當紮球星，夏薩特、盧卡古、迪布尼、華美倫及高柏尼等，最重要球隊前中後三線都相當平均；不過，由於近年實在少與南美球隊交手，對住踢法較為硬朗的哥倫比亞，就要睇適應度如何。

哥倫比亞近年同樣人才輩出，尤其頂級射手花高加西亞，仲有古亞連、沙柏達及洛迪古斯等，星級指數及戰力與比利時都係咁高咁大。推介：和波1:1