喀麥隆“突”圍而出

喀麥隆“突”圍而出

世界盃非洲區附加賽今晚上演最後一戰，喀麥隆決鬥突尼斯。由於首回合雙方打成○比○平手，今仗邊隊贏波就可以直踩去巴西踢決賽周，佔有主場之利嘅喀麥隆應可較為睇高一線。球員質素及比賽經驗明顯佔優，只要發揮應有水準，相信九十分鐘內可以擊倒對手。

突尼斯在主場一戰實在威脅性唔大，感覺上驚輸唔夠膽贏，進攻力度不足，今仗作客肯定更加保守，但可惜球隊反擊能力唔算太強，只望守到最後博射十二碼。初盤喀麥隆讓半球，推介“非洲雄獅”可以“突”破對手。

喀麥隆大部分球員都在歐洲有名球會效力，包括星級嘅伊圖、桑治、馬迪普及麥比亞等，仲有效力馬拉加前鋒奧寧加，速度與爆炸力十足。單計前線入球把握力，喀麥隆無疑高於對手，採取主攻情況下，必有斬獲。

突尼斯同樣有唔少球員在歐洲搵食，只不過所踢球會屬於二三流，效力德甲哈化柏林的艾拿古爾及瑞士蘇黎世的查美迪算係最有名氣。可想而知整體級數有限，今戰求和亦難達成目標。

推介：喀麥隆2:1