曼城主場“熱”捧

曼城主場“熱”捧

英超已經打咗接近三分一比賽，多支爭標分子爭持激烈，包括今晚對戰嘅曼城與熱刺。由於目前位置分別排第七及第八位，邊隊輸波全失三分的話，爭標形勢就更困難，和波更可能兩敗俱傷，兩強相遇肯定寸土必爭。

計攻擊力，曼城係英超最強，熱刺就認真失禮，只得九球，係前十一位之中最差一隊，今戰作客無敵主場嘅曼城，熱刺實在毫無贏波本錢，初盤曼城讓半球／一球，必揀“城市軍”拔“刺”成功。曼城上仗作客不敵尾二嘅新特蘭，近三場作客已經連失七分，確令球迷大失所望。不過，返到主場就惡到得人驚，五戰全勝，攻入二十球只失兩球，無論進攻與防守都係勁到爆，曼城要繼續保持爭標機會，已經再不能大意失分。尤其主場出戰，就算下周中要打歐冠，但已經出線在望，柏歷連尼今晚必會派出最強人腳迎戰對手，三分志在必得。

熱刺季前招兵買馬，實力明顯增強，特別在防線方面，十一戰只失六球，可惜守強攻弱，前線數糊能力未能達到預期效果。今仗作客能在曼城身上搶得一分，已算功成身退。

推介：曼城2：0