維拉受讓值博

維拉受讓值博

西布朗今季被譽為英超豪門殺手，強如榜首嘅阿仙奴與車路士都要失分，衛冕嘅曼聯更成為手下敗將，西布朗呢班“爛仔波”都算唔簡單。不過，有時對住同級對手就好睇唔好食，可能踢法唔同，今晚場英超獨腳戲對住阿士東維拉，西布朗就毫無必勝把握。初盤開出要讓半球，實在唔划算。

維拉同樣屬於打仔格，人腳平均質素唔算太突出，勝在爛纏爛搶體力化，今季亦有殺敗阿仙奴與曼城佳作，基本上與西布朗咁高咁大。雙方實力半斤八両下，和波較為合理，揸住半球在手嘅維拉可以值博。

西布朗上場對車路士，完場前輸個問題十二碼而被逼和，未能全取三分的確火都嚟埋，但證明領隊奇勒對住強隊打穩守突擊確有一手。只不過，與對手對攻的話，效果就認真麻麻，發揮亦稍為飄忽不定，否則應可排上更前位置。

維拉踢法上與西布朗大同小異，同樣都係簡單直接，中場過渡唔多，屬於典型英式踢法。所以要分勝負的話，除要睇球員臨場表現外，亦要睇雙方埋門一腳及把握力。預料兩隊和氣收場。

推介：和波0:0