祖記讓多“博”唔過

祖記讓多“博”唔過

意甲領頭羊祖雲達斯因下周中要踢歐冠關鍵戰，所以今輪聯賽對博洛尼亞安排明晨上演，博洛尼亞目前只得十二分排十七位，正處於護級邊緣，極需要搶分護級，雖然今仗對住“一哥”祖雲達斯，但已經冇得再驚，必要搏盡老命全力搶分，拼輸嚟打或者會有更佳效果。

祖記近況的確越戰越勇，近八戰取得七勝一和，只係歐冠盃摸和皇馬，講勢頭一定勁過近五場不勝嘅博洛尼亞；不過，下場作客加拉塔沙雷極之重要，輸波就會一命嗚呼，既有後顧之憂，祖記隨時就住嚟踢，讓多一球實在唔划算，初盤讓一球／球半，推介博洛尼亞最少可執半個盤。

如果以人腳嚟計，博洛尼亞應該屬於中游班，陣中嘅比安基、迪亞文迪、柏斯安沙、干尼以及拿達利等，都係身經百戰踢得之人，只係整體發揮比較慢熱，今仗借助主場踢出拼勁與鬥心，應可頂得兩咀。

祖記上仗在完場前絕殺烏甸尼斯，贏得相當驚險，最慘中場核心派路因傷離場，肯定要休戰一段時間，避免再有主力受創，唔排除教練干地會輪換上陣，做就博洛尼亞有搶分機會。

推介：和波1：1