羅馬受讓得“米”

羅馬受讓得“米”

如果講牌面，今晚場意甲應該睇頭十足，AC米蘭與羅馬同屬於歐洲響噹噹球會，只可惜AC今季踢到失去強者風範，聯賽未到一半已經爭標冇望，十五戰只得十八分排第九，與榜首祖雲達斯相差廿二分，能否爭上前四都成問題。慶幸可以入到歐冠十六強吊吓命，仲係唯一一支意甲球隊，至少仍可以保住球會聲譽。

今晚主場迎戰羅馬，強強對話AC當然唔衰得，不過對手排得聯賽榜第二位兼今季未曾一敗，亦絕非善男信女，AC要攞足三分都難。根據統計，AC目前係意甲贏盤最少一隊，相反，羅馬係贏盤最多，所以初盤開出AC米蘭要讓平手／半球，相信各位投資者都識揀，捧羅馬贏盤冇困“蘭”。

話就話AC近六戰保持不敗，以為有點起色，其實只得兩勝四和，對住利禾奴與切禾兩支下游球隊亦未能戰勝對手，聯賽似乎處於放棄態度，今戰對住誓要搶分爭標嘅羅馬，AC的確要唔落。

羅馬暫時少祖記三分，爭標慾望毋須多講，經過四連和之後，上仗終於再嘗勝果，以二比一擊敗實力分子費倫天拿。所謂乘勝追擊，今晚誓挫紅黑軍團。

推介：羅馬2：1