“曼”“車”等過關

“曼”“車”等過關

我國足球之光、廣州恆大今晚繼續向世界出發，在世冠盃第二場展開越級挑戰，與歐洲王者拜仁慕尼黑爭入決賽。好老實講句，相信好多波迷與小弟一樣，對恆大能殺敗拜仁嘅期望實在唔大，但能夠擊敗非洲冠軍入到四強，已經令千千萬萬嘅“恆粉”感到驕傲，只要今戰踢出無限鬥志及拼勁，與對手周旋到最後一分鐘，所有支持者絕對收貨。

今日介紹兩場英格蘭聯賽盃，頭場李斯特城對曼城，兩隊實力明顯有較大距離，李斯特城雖然在英冠守住前三位，但講到人腳班底，與曼城相比簡直天與地，最有名氣只有前丹麥鋼門舒米高之子，要與粒粒皆星嘅曼城一決勝負，等於螳臂擋車。即使佔有主場之利，又預咗曼城今仗以副選上陣，李斯特城亦難逃一敗，初盤曼城讓球半，曼城要執兩球應該冇問題。

另一場係新特蘭對車路士，新特蘭近六次撞“車”都變車下亡魂，擺到明鬥“車”未夠班。球隊正為護級掙扎，呢個盃仔都係早走早着。“老摩”亦未必會為聯賽盃而太過着緊，不過一班後備軍有機會上陣，必會積極爭取表現，爭勝心依然比新特蘭較強，初盤車路士讓一球，可搏“車仔”贏波贏盤。

推介：曼城2：0車路士2：0