今日博下盤

今日博下盤

今日繼續英格蘭聯賽盃系列，先講熱刺對韋斯咸呢場北倫敦打吡。熱刺慘遭曼城與紅軍大炒後，“刺迷”終於收到好消息，就係“主持人”保亞斯壯烈犧牲，被球會即妙。咁又係，熱刺咁好人腳，畀“保仔”搞到一無是處，戰術部署死板到極，“下崗”真係遲早嘅事。至於今晚對住韋斯咸，可唔可以迴光反照，就要睇班球員表現。睇完慘敗紅軍一戰，熱刺在攻守都有好大問題，前線欠缺組織配合，球員過於自我發揮，防守密度不足，截擊能力實在太弱，睇怕短時間內亦難有改善。

“鎚仔幫”踢法簡單直接，陣中亦有唔少踢得之人，查域斯、迪亞美及卡奴爾等等，對住士氣受挫嘅熱刺盡力一拼，未必輸得晒。初盤熱刺讓一球，不妨博韋斯咸可保不敗。

另一場由史篤城對曼聯，史篤城暫時在聯賽無憂無慮，博個盃仔亦無妨，球隊一向擅打主場，趁對手紅魔稍有留力，史篤城隨時偷雞成功。

聯賽連續四場不勝後，曼聯上場終於對維拉反彈；不過，反覆嘅表現實在令“魔粉”欠缺信心，初盤曼聯要讓主場極惡嘅史篤城半球／一球，實在靠唔住。

推介：熱刺1:1；