車仔受讓可捧

車仔受讓可捧

好戲在後頭，英超今個星期的重頭戲明晨在倫敦爆發，阿仙奴與車路士互毆爭頭位。

阿仙奴打完愛華頓後，死亡賽程未好過，先後敗於拿坡里及曼城腳下，“一哥”之位亦被紅軍霸佔，之前又輸過畀曼聯，面對強隊，兵工廠似乎無能為力，今仗對住車仔，球員信心又係一大考驗。

車路士近況只係一般，球隊整體狀態起起跌跌，特別前線攻擊力，有種谷極都谷唔起的感覺，“老摩”確要諗諗計。車仔近兩三季對住兵工廠都有一定優勢，尤其近三次對賽都能殺敗對手，其中兩次更在酋長球場，所以阿仙奴今仗主場亦未必佔到着數。初盤阿仙奴讓平手／半球，捧車仔可保不敗。

阿仙奴上場聯賽被曼城重創，所謂一條穩健防線被“藍月亮”攻到支離破碎，反映球隊受到壓迫情況下，就會自亂陣腳，呢個就係阿仙奴最大的弊病。車仔目前最大問題在於鋒線，兩位過氣世界級射手，伊圖與F托里斯的確不復當年勇，巴亞級數亦有限，爭勝本錢大減，但整體實力依然強橫，今戰勢均力敵形勢下，受讓值博。推介：和波1:1