羅馬受讓落飛趁“祖”

羅馬受讓落飛趁“祖”

意甲唞完聖誕新年假後，今周戰火重燃，隨即上演王者爭霸，祖雲達斯火併羅馬合演榜首大戰。祖記暫時領先羅馬五分，今仗勝負相當關鍵，只要擊退對手，衛冕形勢大好。不過羅馬今季脫胎換骨，無論進攻與防守都踢出極高水準，祖記要攞足三分並非容易。

作客嘅羅馬，首要目標先保住不敗，否則爭標變得相當渺茫。賽前全軍備戰十足，誓必全力以赴，實行當決賽咁打。初盤祖雲達斯讓半球／一球，捧羅馬搶分“達”成目標。

祖記在聯賽一帆風順，連續取得九場勝仗，簡直勢不可擋；不過大部分對手屬於中下游球隊，只係拿坡里最具實力。今仗對住戰鬥力強橫嘅羅馬，祖記未必可以佔到較多優勢。況且球隊一向打法以穩打穩紮為主，即使未能殺退對手，一分亦可保住榜首位置，祖記或會踢得稍為保守。

不敗之師羅馬今季防線的確令人讚賞，到目前為止只失七球，可稱銅牆鐵壁，祖記要攻破首都狼談何容易。今仗除巴沙列迪有傷外，全隊整裝待發，以最強人腳應戰，有力與對手決一雌雄。

推介：和波1:1