“老摩”除“魔”

“老摩”除“魔”

英超今晚上演重磅大戰，由“老摩”領軍嘅車路士誓要一擊即中，將死敵曼聯打入深淵，要“紅魔”今季永不超生，以“老摩”善於針對式部署踢法，及近三戰兩勝一和對賽優勢，車仔有望在主場殺退對手。

曼聯今場勝負相當關鍵，隨時成敗定得失，以目前人腳及不穩表現，實在難寄以厚望，初盤車路士讓半球，睇好“藍戰士”順利殺敗“紅衫軍”。

“老摩”最強項係帶領球隊在主場出擊，今季聯賽十戰主場取得九勝一和，攻入廿二球僅失八球，無論進攻與防守都相當平衡，近五場戰全勝，亦攻入十球僅失一球。球員不止狀態足，人腳更加齊齊整整，“老摩”既可排出最強陣容出戰，亦有足夠兵源調動。

相反，“莫帥”今仗認真頭痛，兩大頭號殺手朗尼與雲佩斯肯定因傷缺陣，攻力無疑削弱唔少；防線多名大將同樣缺態，韋迪、艾華及伊雲斯等穩健程度已不如從前，聯賽共失廿四球，平均每場失一球以上，成為最大致命傷，亦係球隊戰績下滑最大原因，加上“莫帥”排兵佈陣遭到千夫所指，拍埋“老摩”明顯未夠班。

推介：車路士2：0