愛華頓征“西”

愛華頓征“西”

英超第廿二輪壓軸一戰，由西布朗與愛華頓擔正，兩隊目前各有所需。西布朗暫時處於下游位置，由於榜尾形勢與泰國政變一樣極之混亂，西布朗亦要搶分護級，可惜球隊近況較低迷，近十二戰僅得一勝兼輸足一半，而今季主場同樣輸多贏少，今仗對住踢法實牙實齒，行軍快速見稱嘅愛華頓，恐怕劫數難逃。

愛華頓今季用三個字形容，強、硬、勁，各位球迷千祈唔好誤會，唔係賣男士重振雄風廣告，只係講愛華頓踢法，夠強悍、夠硬淨兼勁力十足，呢方面確要歸功於今季接任主帥嘅馬天尼斯。“拖肥糖”目前有機會力爭前四，每場比賽必會全力爭勝，今仗對手只係平凡之輩，只要踢出風格，有望全取三分，初盤愛華頓讓平手／半球，捧愛華頓征“西”冇難度。

西布朗剛由西班牙教頭美爾上任執教，但首戰不敵修咸頓，證明一時三刻實在難令球隊有太大好轉。至於愛華頓暫時保住今季英超“兩佳”紀錄，輸波場次最少，亦係作客防守最佳球隊，以西布朗嘅戰力想攞三分都難，一於捧愛華頓，包你新春“布”喜。

推介：愛華頓1：0