曼聯讓多有困“蘭”

曼聯讓多有困“蘭”

曼聯早兩日遭遇“車”禍後，衛冕聯賽冠軍應該可以宣佈死心。只有“莫帥”依然死撐，仲話一日未廢，絕不放棄。“莫帥”真係唔知醜，面皮幾呎厚，鬧極都唔走。不過，有時候唔到佢賴死，如果今晚場聯賽盃翻唔到身的話，睇怕自己都要“切腹”自盡。

過往嘅曼聯在奧脫福出戰，對住中下游球隊讓一兩球根本“濕濕碎”。不過今期嘅曼聯的確畀“莫帥”搞到人唔似人、魔唔似魔，排兵佈陣總有不足之處，用人亦較有偏見。加上多名主力有傷，後防大將韋迪又要停賽，今仗要翻盤過關確實有一定困難。

新特蘭自從由普耶接手後，球隊表現明顯有好大改善，特别係球員戰意與鬥心非常積極，近四戰更取得三勝一和不敗，無論士氣及狀態都不俗。尤其係寄誠庸、阿當莊臣及波連尼越踢越弗，與曼聯球員確有較大對比。首回合揸住一球在手，“黑貓”今晚作客必會穩打穩紮為主，加強中後場攔截力，急於反勝嘅曼聯防線隨時會被突襲成功。初盤曼聯硬讓球半，黑開有條路嘅曼聯實在捧唔過，捧新特蘭好大機會贏盤。

推介：和波1:1