多蒙特新春“布”喜 今日新正頭大年初一,首先恭祝各位波友馬年行大運、波膽三串七,中到唔停得;萬事如意,最重要是身體健康。今晚揀場德甲推介畀大家,布倫斯維克對多蒙特,首次升上德甲嘅布倫斯維克真係未夠班踢甲組,聯賽已過咗半程
多蒙特新春“布”喜
今日新正頭大年初一,首先恭祝各位波友馬年行大運、波膽三串七,中到唔停得;萬事如意,最重要是身體健康。
今晚揀場德甲推介畀大家,布倫斯維克對多蒙特,首次升上德甲嘅布倫斯維克真係未夠班踢甲組,聯賽已過咗半程都祇得十二分,榜尾位置穩如泰山,如無意外屬於降班鐵膽,今仗遇上滿肚怨氣嘅多蒙特,睇怕難逃一敗。
“蜜蜂兵”近期陷於低潮,聯賽已四場不勝,再失分的話,前三位置隨時不保。新一年應該有個好開始,對住包尾大幡的球隊,真係唔贏冇得贏,係時候重新振作。初盤多蒙特讓球半,捧“蜜蜂兵”波盤全收,一於做國際大導演“除”克。
由於班底有限,布倫斯維克的確幾難在德甲企穩陣腳,十八場聯賽祇入十球,攻力弱得可憐,毫無贏波的能力。實力已經不及對手,今仗更有較有級數嘅卡利古尼與華蘭錫因傷缺陣,實在難有爆冷本錢。
多蒙特受球員傷患影響而戰績下滑,根杜簡、巴拉薩高斯基、曉姆斯、舒美沙及蘇保迪五大主力仍要養傷,實力大打折扣。不過今仗對手不足為患,整體人腳仍夠殺。
推介:多蒙特2:0